马国明会唔会见人就打?

作者: 来源:企业宣传 时间:2020-01-03 05:27:17 浏览(945)

马国明会唔会见人就打?

警务处长卢伟聪话:「同事受到好大压力,努力只换来好多不同方面人士的责难。有行动时,话我们滥权、滥捕;不做嘢,又话我们装弹弓,设空城计。」所以,香港警察可以话「警察做嘢唔使戴委任证」?可以叫市民出来只揪?可以放走打人的撑警自己友?可以将市民按在地上完全制服之后继续拳打脚踢?可以打记者打议员?可以用警棍由上至下挥动下下扑头?可以驱赶示威人士入商场然后拉闸唔准人上港铁离开根本係围剿?如果咁都合理,全香港所有市民好应该向香港警察学习。
 

有从事边一个行业的香港人不是受到好大压力呀?有边一个香港人不是努力但只换来好多不同方面人士的责难呀?茶餐厅的楼面,一方面给客人闹唔做嘢,一方面给厨房闹手脚慢,老闆又唔会似卢伟聪咁体谅,係咪应该一杯热柠茶淋落嫌外卖嚟得慢的后生仔头顶?何况,警察有谭咏麟有锺镇涛有梁家辉开大会力撑,仲有陈百洋添呀,你几时听过有明星支持茶餐厅伙计?茶餐厅伙计唔大压力过警察?人工仲少一大截。
 

马国明会唔会见人就打?

仲有急症室护士呢?客户热线的接线生呢?巴士司机呢?老师呢?个个工作压力大,係咪个个要拎支针出去拮人?喺电话用粗口闹爆投诉用户?揸住架车周围撞?困住班学生在班房毒打?个个都是受薪成年人,应付压力是工作一部分。应付不来,可能要考虑放假,或转工,或者看一看精神科,看看是否需要入青山。总知不是借助工作之名遗害人间。偏偏,份份职业的从业员都可以排解工作压力,就只有警察好似有工作压力就合情合情横行霸道。

计压力,马国明最大。沙Sir约人去警署搞嘢,被揭发,係自己犯贱。马国明的女朋友偷食,被揭发,是无辜受害。入行二十年,眼看后辈们迟来先上岸,个个做了甚幺视帝或者一早离巢北上搵食,好不容易,演到一齣被讚扬的《白色强人》,出席商场活动,接受欢呼,点知,被过百示威者大叫口号骚扰,搞到访问被中止,搞到一出场被劲嘘,搞到上台不够两分钟就要腰斩活动。如果马国明是香港警察,仲唔嬲到失控,拎胡椒喷雾跳落台见人就喷,或者拎支警棍疯狂挥舞,再见人就X你老母?好在,马国明是个人。全程表现轻鬆,面露微笑。他说,他只是个打工仔,老闆叫到,不可以不出席。不过,他很明白,有人对某些事不满。不方便说太多,也不代表要与民为敌,甚至影响到自己工作也没所谓,大家安全最重要。係吖,老闆叫到,係一定要到场,不过,唔代表恃住有公司撑,可以为所欲为,根本是发洩情绪多于执行任务。明明是最擅长蛇王最出名偷懒的职业嘛。阿Sir做嘢,使乜我哋教呀?
 

马国明会唔会见人就打?

上一篇:
下一篇: