肥平难过

作者: 来源:空姐评鑑 时间:2019-12-28 16:51:59 浏览(560)

我脸书定期都有「肥平速递」,讲下美帝法院啲相关肥平案嘅最新文件,兼短评几句。老友A话不如放响度同读者分享。此言甚是,讲几句观察都OK嘅。


好多网友问过,唔畀保释之关键响边度?我估好多因为唔知佢第一次申请保释时的报道,咁就睇漏咗一个关键位。当时法官在庭上,指出过法庭收到当地Pretrial Service的报告,指出肥平係唔适合保释,包括肥平直系亲属唔响美帝,有潜逃风险。呢一点,就係贯穿咗之后两次保释时肥平律师面对的头痛问题。


同案之另一被告係加迪奥。佢一早就保释成功。虽然肥平法官冇直接comment过点解加迪奥畀保释,但係肥平唔畀的原因。但当时响庭上亦讨论过呢个问题。睇番同案另一个被告加迪奥,佢老婆手持美帝护照,佢又手持美帝绿卡,又响纽约附近有间屋等。呢个同美帝之联繫,就係今次即係上星期肥平申请保释时,点解都係说服唔到法官之原因。因为法官觉得,如果有直系亲属係美帝人士,咁肥平就有一定之道德压力,唔可以就咁离开家人一走了之。


因此,从今次审讯推断,无论肥平点样加码──即係加保释金加多些人事担保,都係好难动摇到法官。咁样做其实係迫紧肥平之律师,係唔係要考虑其他的可行方案,例如同控方倾deal呢?


至于控方,今次都玩得好尽。就係响保释案开审前几日,先至公布一大堆电邮,即係依家媒体见到的电邮。果啲响法庭呈堂的电邮,都係由FBI拦截及监控底下肥平发出的电邮副本。点解要出呢啲电邮呢?我觉得有几个警告意味。第一,咁样做係畀外界知道,肥平一举一动,都在美帝掌握之中。换言之,唔通你相信,美帝唔会响电邮之中,寻找更多线索,又唔会咁样会睇多几转,顺便搵多啲料,搜集更多「衰嘢」呢?


第二,就係一种心理战,等肥平感受更大压力。即係咁,呢啲响肥平被扣留期间之电邮资料,本来都唔会呈上法院,本来就唔会出现响报纸及公众平台的。就係因为肥平坚持去马要保释,咁控方就一于用呢啲手段,即係呈堂之做法,等肥平律师知道,只要你个客肥平,仲想申请保释的话,下次聆讯前随时会更加多嘢爆出嚟!


美帝呢招好阴险。因为肥平要顾住做好聆讯準备,但係又唔知政府仲有乜嘢花招,就会有极大心理压力。 即係话,肥平越要申请保释,就越多嘢会爆,爆尽肥平关连人士之人名同操作,咁唔单只令家人生活响「威吓」当中,肥平仲要愁多几钱重。控方呢招,变相叫肥平就最好听听话话,唔好再搞乜嘢保释,否则,下次申请保释之前,仲有更多好嘢爆出嚟。美帝检控官借肥平出庭,抹黑肥平之形象,呢一次相係成功。 


上一篇:
下一篇: